Halla verður forseti í dag

Í dag tekur Halla Tómasdóttir við starvinum sum forseti Íslands.

Klokkan 16.30 okkara tíð verður gudstænasta í Dómkirkjuni.

Eftir hana verður farið í altingið, har Halla Tómasdóttir verður tikin í eið sum forseti.

Hon er 55 ár, og verður sjeyndi forseti Íslands.

Halla Tómasdóttir fekk stívliga 34 prosent av atkvøðunum á forsetavalinum 1. juni.

Hon er vinnulívskvinna og íverkseti.

Guðni Th. Jóhannesson hevur verið forseti í átta ár. 

Hann stillaði ikki upp hesa ferð.

Guðni Th. Jóhannesson fær bíðiløn í seks mánaðir og fer so aftur í gamla starv sítt í lærda háskúlanum í Reykjavík.