Trump framvegis ákærdur

Ákæran um, at Donald Trump gjørdi eina roynd at ógilda valúrslitið í 2020, stendur við.

Donald Trump royndi at fáa ákæruna slepta, men ein dómari hevur víst hesum aftur. Tað skrivar danska kringvarpið.

Sambært BBC, sigur landsrættadómarin, Tanya Chutkan, at tað ikki eydnaðist advokatunum hjá Trump at prógva, at fyrrverandi forsetin verður rættarsøktur av hevndarhugi og politiskum endamálum - sum er uppáhaldið hjá Donaldi Trump og hansara toymi.

Fyrrverandi forsetin hevur frá byrjan nokta seg sekan. Hann hevur eisini ákært Biden-fyrisitingini fyri at hava givið boð um ákærurnar.

Hesum hevur dómarin altso víst aftur. 

Rættarmálið er fleiri ferðir seinkað, men ein hoyring verður 16.august, skrivar BBC.