Færri nýggir fleiri brúktir

Framvegis vera færri persónbilar skrásettir í Føroyum í ár enn í fjør.

Teir vóru 80 í juli í fjør, men bara 56 í juli í ár.

Tað eru 24 prosent færri enn í fjør.

Men onnur akfør eru fleiri í ár, so samanumtikið er minkingin 17 prosent.

Til 1. august vóru 231 færri persónbilar skrásettir í ár enn í fjør.

Samanumtikið vóru skrásett næstan 21 prosent færri nýggj akfør frá 1. januar til 1. august í ár enn somu tíð í fjør.

Brúkt akfør

Brúktir bilar koma eisini til Føroya, men teir eru ikki nógvir.

Teir eru tó nógv fleiri í ár enn í fjør, næstan dupult so nógvir.

Innflutt brúkt akfør, sum vóru skrásett, vóru 253 til 1. august.

Tey vóru 128 til 1. august í fjør. 

1. august vóru 2.250 elbilar í Føroyum, 455 fleiri enn 1. januar.