Taka sáð av føroyskum greðingum

Fólk frá bretsku fyritøkuni Stallion AI services eru í løtuni í Føroyum og taka sáð av føroysku greðingunum. 

Fyrstu royndirnar at taka sáð vóru á Búnaðarstovuni í Kollafirði sunnudagin.

Ábendingar eru um, at hetta hepnaðist sera væl, sigur felagið Føroysk ross. 

Væntandi verða sáðtøkur alla vikuna. Hvør sáðtøka kann brúkast til fimm ella seks ísáðingar. 

Felagið Føroysk ross hevur síðan 1978 virkað fyri at byggja upp ein ílegugrunn við niðurfrystum rossasáði og fáa gjørt eina arvafrøðiliga lýsing av rossastovninum. 

Í løtuni eru 26 greðingar, 42 ryssur og 14 geldir hestar í føroyska rossastovninum.