- Tíðindi, mentan og ítróttur
29 børn og ung við sálarsjúku send til Danmarkar
![](https://kvf.fo/sites/default/files/styles/grein-ovasta-mynd/public/barna-_og_ungdomspsykiatri_0.jpg?itok=b70WIsAw)
Psykiatriski depilin hevur ávíst 18 fólk yvir 18 ár til kanningar ella viðgerðar uttanlands frá 2019 til og við 2024.
Í sama tíðarskeiði hevur Barna- og ungdómspsykiatriin ávíst 11 børn og ung til kanningar ella viðgerðar uttanlands.
Tølini eru í svari frá Margit Stórá, landsstýriskvinnu, til Liljuna Weihe, løgtingskvinnu, sum spurdi, hvussu nógv fólk psykiatriin sendir av landinum.
Sjúklingar verða sendir til serviðgerðir í Danmark, tí vit ikki hava møguleika at hava slíkar serviðgerðir í Føroyum, sigur landsstýriskvinnan.
Eisini børn, sum hava likamligar sjúkur, verða send til Danmarkar.
Tey vóru 762 frá 2020 til og við 2023.
Tá eru børnini, sum Barna- og ungdómspsykiatriin ávísti, tald við.
Sjúkrahúsverkið veit ikki, hvussu nógv sjálvboðin eru farin í eftirskúla ella á viðgerðarstovn í Danmark.
Sjúkrahúsverkið rindaði tvær milliónir til Region Hovedstaden-Psykiatri í 2021, 1,6 míó. kr. í 2022 og í 2023 kostaðu viðgerðirnar seks mió. kr.
Harumframt koma ferðaútreiðslur, uppihald á sjúklingahotellinum Tórshavn, og útreiðslur fyri kanningar ella viðgerðir, sum vera gjørdar aðrastaðni enn hjá Region Hovedstaden-Psykiatri, sigur Margit Stórá í svarinum.