- Tíðindi, mentan og ítróttur
Dómur fallin í máli um svik við klænkiheilivági
![](https://kvf.fo/sites/default/files/styles/grein-ovasta-mynd/public/wegovy.jpg?itok=Xryn1UWs)
Ein 56 ára gomul kvinna úr Hvidovre er dømd sjey mánaða fongsulsrevsing fyri at svika við klænkiheiliváginum Ozempic.
Tað upplýsir rætturin í Glostrup, skrivar DR.
Kvinnan er dømd treytaleysa fongsulsrevsing í tveir mánaðir, meðan restin er treytað.
Harumframt skal hon rinda 317.971 krónur aftur til Regiónina í Keypmannahavn, og hon skal eisini rinda sakarmálskostnaðin.
Svikaði seg til heilivág
Kvinnan hevur fingið útlýggjað so nógvan heilivág, at hann kundi rokkið til nýggju ár, skrivar DR.
Sambært ákæruni fekk kvinnan av órøttum almennan stuðul til Ozempic í 2023, sum er farin upp um 300.000 krónur. Hon hevur síðani selt heilivágin sum klænkihjálp.
Hetta átti ikki at borið til. Men sambært DR hevur kvinnan svikað við upplýsingum, sum hevur gjørt hetta møguligt.
Fleiri mál um svik við klænkiheiliváginum Ozempic skulu í hesum døgum fyri rættin í Danmark. Hetta málið er tað fyrsta av 33.