Mannajagstran eftir gerningsmanni í Týsklandi

Tað, ið skuldi vera eitt hugnaligt kvøld, har borgararnir í týska býnum Solingen hátíðarhildu 650 ára dagin fyri, at vesturtýski býurin var staðsettur. Men gjárkvøldið endaði sum ein sorgarleikur, tá ein gerningsmaður byrjaði at stinga frá hond. 

Tá gerningsmaðurin var stungin av aftur, lógu 11 fólk eftir á, trý vóru deyð og átta illa løstað. 

Sambært áltjóða miðlum, so stakk gerningsmaðurin tilvildarlig fólk niður, áðrenn hann tók til rýmingar. 

Leitað verður nú av øllum alvi eftir gerningsmanninum.

Solingen, Týskland

Fór miðvíst eftir hálsinum

Týski innanríkismálaráðharrin, Nancy Faeser, sigur sambært Reuters, at týskir myndugleikar gera alt, ið teir eru mentir, fyri at finna gerningsmannin. 

Arbeitt verður eisini við at finna út av, hvør orsøkin til kníválopið var. 

Sambært útsenda tíðindafólkinum hjá DR í Týsklandi, Steen Nøreskov, so eru týskir myndugleikar sannførdir um, at talan var um eitt yvirgangsálop.

"Vitnir hava sagt, at gerningsmaðurin sá út til at koma úr Miðeystri, og at hann var einsamalur. Vitnir hava eisini sagt við politiið, at maðurin fór miðvíst eftir hálsinum hjá ofrunum. Hann gekk altso ikki svakur og stakk frá hond."

Solingen, Týskland