Oyndarfjørður: Ongar útstykkingar í 20 ár

Tá fólkatalið í Oyndarfirði var uppá tað hægsta í 1945, búðu 227 fólk í bygdini. Síðan tá er fólkatalið minkað støðugt, og í dag búgva 121 fólk í Oyndarfirði.

Samanleggingin við Runavíkar kommunu hevur havt nógv gott við sær fyri Oyndarfjørð, men tað er ein trupulleiki, at ongar útstykkingar eru gjørdar í bygdini seinastu 20 árini.

Tað sigur Ólavur Klein Olsen, sum flutti heim til Oyndarfjarðar í 2017 eftir at hava búð uttanlands í 14 ár.

Torbjørn Jacobsen, borgarstjóri í Runavíkar kommunu, sigur, at útstykkingar eru gjørdar í fleiri av bygdunum í kommununi seinastu árini, men ikki í øllum. Hann sigur, at arbeitt verður í løtuni við eisini at útvega byggilendi í Oyndarfirði.

Á heimasíðuni hjá Kringvarpinum ber til at lesa og hoyra meira um, hvat fólk í Runavíkar Kommunu halda um gongdina í kommununi.