Vil hava at vita, um løgmaður framvegis ætlar at skerja ríkisveitingina

Bárður á Steig Nielsen, formaður í Sambandsflokkinum, vil nú hava at vita frá løgmanni, um hann ætlar at halda fast við at skerja ríkisveitingina, hóast búskaparstøðan er broytt.

Bárður á Steig Nielsen sigur í viðmerkingum til grein 52-fyrispurningin til Aksel V. Johannesen, at frágreiðingin hjá Búskaparráðnum staðfestir, at búskapurin er undir trýsti, og at neyðugt er við tiltøkum bæði á inntøku- og útreiðslusíðuni.

Búskaparráðið hevur víst á, at stóri vøksturin í búskapinum er minkaður munandi, úr 10 prosentum niður í trý prosent, samstundis sum prístalið hevur verið munandi hægri.

Tað kundi bent á, at vøksturin í búskapinum ikki longur er positivur, sigur Bárður á Steig Nielsen.

Aksel V. Johannesen

Aksel V. Johannesen, løgmaður.

Les allan fyrispurningin her.

Harður lútur

Hann vísir á, at í samgonguskjalinum er ásett, at broytist búskaparstøðan munandi, skal ætlanin um at skerja ríkisveitingina endurskoðast.

Nú búskaparútlitini eru broytt munandi, og harður lútur má til at fáa javnvág á landsins fíggjarlóg, kundi væntast at øgmaður tók um endan og kravdi, at ongar inntøkur skulu skerjast, tí tað rakar vælferðina í Føroyum, sigur Bárður á Steig Nielsen.

Hann spyr tí Aksel V. Johannesen, um hann ætlar at halda fast við at skerja ríkisveitingina.