Røddin á Darth Vader tagnað

Darth Vader í Star Wars og Mufasa í The Lion King. 

Sjónleikarin James Earl Jones hevði eina serstaka og sertakliga góða rødd, sum bleiv brúkt til at leggja røddir til nakrar av mest eyðkendu filmspersónunum nakrantíð. 

Nú er røddin tagnað við manninum, ið er deyður, 93 ára gamal. 

Tað vita altjóða miðlar í kvøld at siga. 

So løgið, sum tað kann ljóða, so stamaði James Earl Jones illa sum barn, og hann brúkti sjónleikin til at koma stamingini til lívs. 

James Earl Jones fekk í 2011 ein heiðurs-oscar fyri sítt virki í filmsídnaðinum, og hann vann eisini tvær Tony-heiðurslønir fyri síni avrik á amerikanska sjónleikarapallinum.