Fimm ára fongsul og skal gjalda 190.000 kr. í endurgjaldi

Ein 21 ára gamal maður er í dag í nevningatingi dømdur fimm ára fongulsrevsing fyri at hava neyðtikið tvær gentur og fyri at hava havt kynsligt samband við tríggjar aðrar gentur undir 15 ár. 

Harumframt er hann funnin sekur í at hava givið gentunum rúsevni.

Umframt fongsulsrevsing skal tann dømdi eisini rinda gentunum endurgjald á tilsamans 190.000 krónur.

Sostatt er dómurin nærum tað, sum ákæruvaldið kravdi.

Ákæruvaldið setti fram krav um ein samlaðan dóm uppá millum fimm og hálvtsætta ára treytaleysa fongsulsrevsing.

Nevningating, Neyðtøkumál, Føroya rættur, ákærdi og verjin - tekning: Janus Guttesen

Verjin og ákærdi í rættinum. (Tekning: Janus Guttesen)

Tá ið revsingarnar vóru taldar saman, var talan um yvir sjey ára treytaleysa fongsulsrevsing, men rættarskipanin kom tí ákærda til góðar, so samlaða revsingin var minni enn tað.

Hinvegin helt verjin hjá tí 21 ára gamla tað vera meira hóskandi, at talan var um hálvttriðja ára fongsulsrevsing, harav ein partur átti at vera treytaður.

Viðvíkjandi ákærum um blúnisbrot og rúsevni, vísti verjin á bót sum hóskandi revsing.

Tann dømdi hevur biðið um umhugsunartíð, um hann skal skjóta dómin inn fyri hægri rætt.