- Tíðindi, mentan og ítróttur
Nú er nóg mikið tosað
Málið hevur verið nógv umrøtt hesa vikuna, og í dag staðfestir formaðurin í Kommunufelagnum, Tórbjørn Jacobsen, í eini grein, at “í veruleikanum hendir millum lítið og einki á útbúgvingarøkinum í Føroyum”.
Hann vísir á, at meðan kommunurnar umsita bæði dagrøkt, eldraøki og barnavernd, hevur útbúgvingarmyndugleikin hjá landinum als ikki megnað at fylgt við.
Formaðurin í kommunufelagnum endurtekur tað, hann sum borgarstjóri í Runavíkar kommunu segði fyrr í vikuni, at tað er ikki neyðugt við akademiskum útbúgvingum fyri at fáa loyst mest átrokandi uppgávurnar í gerandisdegnum.
Millum annað vísir Tórbjørn Jacobsen á, at ein temafrágreiðing frá Búskaparráðnum á vári í 2021 vísti, at tað fer at vera álvarsligur tørvur á starvsfólkum á øllum vælferðarmótum komandi árini.
Framrokningarnar vístu, at tørvur verður á stívliga 2500 fleiri starvsfólkum at arbeiða innan kjarnuvælferðartænastur longu í 2030.
At enda í greinini sigur formaðurin í Føroya Kommunufelag, at hon er “eitt uppróp í neyðini, tí nú er nóg mikið talað og tørvur er á loysnum”.
New div after blockquoteHoyr samrøðu við Tórbjørn Jacobsen í útvarpstíðindunum:
0 seconds of 0 secondsVolume 90%Press shift question mark to access a list of keyboard shortcutsKeyboard ShortcutsShortcuts Open/Close/ or ?Play/PauseSPACEIncrease Volume↑Decrease Volume↓Seek Forward→Seek Backward←Captions On/OffcFullscreen/Exit FullscreenfMute/UnmutemDecrease Caption Size-Increase Caption Size+ or =Seek %0-9
