Kvinnur nærkast monnum

Kvinnurnar nærkast monnunum spakuliga í hagtølunum um lønir.

Kvinnur fingu 407,4 milliónir krónur í lønum í august, 34,3 milliónir, 9,2 prosent, meira enn í august í fjør.

Menn fingu 624,5 milliónir krónur í august, 20 milliónir, 3,4 prosent, meira enn í august í fjør, skrivar Hagstovan.

Góð milliard var goldin í A-skattaðum lønum í august, 54,6 milliónir, seks prosent, meira enn í august í fjør.

Gongdin vísir, at stígur kom í lønirnar, tá koronafarsóttin rakti í 2020.

Seinna hálvár í 2021 vendi gongdin, og lønirnar hava havt ein rættiliga javnan vøkstur síðan. 

Vøksturin hjá kvinnum hevur verið javnari seinastu árini.

Lønargongdin hjá monnum var meira ávirkað, tá koronufarstóttin rakti, skrivar Hagstovan.