Flestu vilja hava Beinir

Í veljarakanningini, sum Spyr.fo gjørdi fyri Blaðið Vikuskifti fyri hálvariaðru viku síðani, peika 31 prosent av teimum 500 spurdu á fólkafloksformannin.

Tað er fimm prosentstig fleiri enn tá Spyr.fo setti sama spurning í mai.

25,9 prosent vilja, at Aksel V. Johannesen skal halda fram, og tað er ein lítil framgongd, samanborið við kanningina í mai.

Og 20,9 prosent av veljarunum vilja hava Bárð á Steig Nielsen, formann í Sambandsflokkinum og undanfarna løgmann, aftur í løgmanssessin.