Løgmaður kann einki gera uttan koma við áheitan

Løgmaður sigur seg ikki hava heimild til at geva boð um at ógilda avgerðina hjá Barna- og Útbúgvingarmálaráðnum um at kalla aftur uppsøgnina hjá rektaranum á Glasi, tá útbúgvingarstjórin á Glasi var uppsagdur.

Tað sigur Aksel V. Johannesen í svari til Jørgen Niclasen, løgtingsmann.

Og hann heldur ikki, at Djóni Nolsøe Joensen, landsstýrismaður, hevur borið seg skeivt at í hesum málinum.  

Hóast fyrisitingin hjá landsstýrismanninum viðgongur, at óhepnir fyrisitingarligir feilir eru hendir, so eru teir hendir á fyrisitingarligum stigi, sum landsstýrismaðurin ikki kann ábyrgdast fyri, sigur løgmaður.

Hann heitt á landsstýrismannin um at tryggja, at slíkt mistak ikki hendir aftur.