Ferðastuðulin minkar tvær milliónir

Landsstýrið ætlar at spara tvær milliónir krónur um árið við at lata minni í stuðli til ferðaútreiðslur.

Nú ber til at søkja um stuðul til ferðaútreiðslur tvær ferðir um árið, men tað skal broytast til eina ferð um árið.

Og lágmarkið er nú 20 kilometrar - tað skal broytast til 30 kilometrar.

Skotið verður millum annað upp at strika stuðul fyri tyrluflúgving. 

Stuðulin er eina krónu fyri kilometurin.

Stuðulin til teirra, sum sigla, ella brúka Vágatunnilin og Norðoyatunnilin, minkar eina krónu hvønn vegin.

Sethús, sethús í gerð

Í ár er rentustuðilin mettur at vera 85 mió. kr. netto. (Savnsmynd)

Rentustuðulin

Talan hevur eisini verið um at minka rentustuðulin, men einki er komið um tað í løgtingið. 

Sambært fíggjarlógini roknar landsstýrið við at brúka 73,5 mió. kr. netto í rentustuðli næsta ár, tí rentan lækkar. 

Í ár er rentustuðilin mettur at vera 85 mió. kr. netto. 

Síðani 2014 hevur rentustuðulin verið 35 prosent, - landið rindar 19,5 prosent og kommunurnar 15,5 prosent.

Síðani 2018 er stuðul latin til rentur, sum í mesta lagi eru 100.000 kr.