Smyril avlýsir túrar

Illfýsna veðrið í dag hevur broytingar við sær í ferðaætlanini.

Smyril fór av Krambatanga nú klokkan seks, og hann fer av Havnini klokkan 8.45, men so siglir hann ikki av aftur Tvøroyri fyrr enn klokkan 18.45. Tað vil siga, at túrarnir klokkan hálvgum tólv av Krambatanga og túrurin klokkan fýra av Havnini í dag verða ikki sigldir.

Tað upplýsa Strandfaraskip Landsins á heimasíðu síni.

Strandferðslan upplýsir eisini, at Smyril í dag siglir vestan fyri Sandoynna, og at tað tí kann roknast við seinkingum.

Tá veðrið er, sum tað er í dag, er skilagott hjá teimum, sum brúka buss ella ferju at fylgja við á heimasíðuni hjá Strandferðsluni, og hon eitur ssl.fo.