- Tíðindi, mentan og ítróttur
123 milliónir fólk flýggja undan kríggi og brotum á mannarættindi
123 milliónir fólk flýggja undan kríggi og brotum á mannarættindi
Hetta er tað mesta síðani seinna heimsbardaga, sigur flóttafólkastovnurin hjá ST
Kríggj og harðskapur eru atvoldin til, at milliónir flýggja ymsastaðni í heiminum. Henda myndin er úr Gasa.
Mynd: AFP/Ritzau Scanpix
11.10.2024 - 09:27
122,6 milliónir fólk í øllum heiminum rýma undan kríggi, jagstran, harðskapi og brotum á mannarættindi.
Tað er størsta talið síðani seinna heimsbardaga, vísir nýggj frágreiðing hjá flóttafólkastovninum hjá ST, UNHCR.
Tølini eru frá juni, og tí er ófriðurin í Libanon ikki við.
Forsætisráðharrin í Libanon, Najib Mikati, hevur fyrr sagt, at støðan í landinum kann enda við størsta flóttafólkastreyminum higartil.
Talið á fólki, sum flýggja, er vaksið við 5,3 milliónum síðani árslok 2023.
Serliga er tað ófriðurin í Sudan, Kongo og Myanmar, kríggið í Ukraina og støðan við brotsmannaliðum í Haiti, sum gera, at talið er vaksið.
Er kopiera
Nýggjastu sendingar í ÚV
Nýggjastu sendingar í SV
