Innflutningurin næstan eina milliard minni

Føroyar innflyta minni.

Føroyar innfluttu fyri 10,6 milliardir krónur frá september í fjør til august í ár, skrivar Hagstovan.

Og tað eru næstan ein milliard minni enn frá 2022 til 2023. Neyva talið er 955,7 milliónir krónur, góð átta prosent.

Minkingin í innflutninginum stavar í høvuðsheitum frá bíligari brennievni.

Eisini eru færri skip innflutt hetta seinasta árið.

Innflutningurin til endaliga nýtslu er minkaður 541,8 milliónir krónur, góð 12 prosent. 

Innflutningurin til nýtslu í framleiðsluni er minkaður 235,6 milliónir krónur, 4,7 prosent. 

Byggitilfar er minkað mest, men eisini rávøra til fiskavirking er minkað nógv.

Men meiri heilivágur er innfluttur.