At hækka húsaleiguna er ikki nóg mikið hjá Bústøðum

Tað er ikki nóg mikið, at at Bústaðir hækka húsaleiguna.

Treytirnar fyri, at Húsalánsgrunnurin er haldførur eru millum annað, at einki nýtt verður bygt, tá ibúðirnar, sum standa í gerð, eru lidnar í 2025. 

Hetta liggur millum annað til grund fyri framskrivingunum hjá granskoðarafyritøkuni Januar, sum gjørdi eina meting av langtíðarhaldførinum hjá Bústøðum fyri løgtingsgranskoðararnar, eftir at teir høvdu fingið eina frágreiðing frá landsgranskoðanini, sum vísti á trupulleikar við langtíðarhaldførinum.

Jógvan Ósá, Bústaðir

Jógvan Ósá, stjóri í Bústøðum. 

Januar gjørdi eina framskriving saman við Bústøðum, sum vísir, at Bústaðir eru langtíðarhaldførir, treytað av nøkrum broytingum. 

Sjálvt virksemið skal effektiviserast, einki nýtt verður bygt, tá seinastu íbúðirnar eru lidnar næsta ár, og húsaleigan hækkar 10 prosent í tvey ár, og síðani tvey prosent um árið.

Haraftrat eru framskrivingarnar gjørdar við fastari rentu uppá 4,6 prosent og avdráttartíð uppá 30 ár. 

Hækkar rentan upp í 6,5 prosent,  megnar Húsalánsgrunnurin ikki at fáa ein nøktandi rakstur og heldur ikki nøktandi gjaldføri, uttan at hækka leiguinntøkurnar samsvarandi økta kostnaðinum, stendur í frágreiðingini hjá Januar. 

Bústaðir fara at endurfíggja lánini, sigur stjórin í Bústøðum, Jógvan Ósá:

Januar hevur umframt nevndu treytir í sínum framrokningum tað fyrivarni, at verður framvegis prísvøkstur, sum vit hava sæð seinastu árini, verður neyðugt at endurskoða framrokningnarnarhjá Húsalánsgrunninum.