Slóðbrótandi verkætlan í Vágum

Tað eru góð tvey ár síðani at verkætlanin byrjaði.

Verkætlanin er slóðbrótandi við tað, at dentur verður lagdur á samstarv millum kommunur, landsstovnar og familjuna.

Barnarættindasáttmálin hjá ST skal vera grundarlag undir felagsfatanini og vera galdandi í øllum mannagongdum, sum viðvíkja børnini í Vágum, sigur Magnus Tausen, sum er fulltrúi í Undirvísingarstýrinum og limur í verkætlanarbólkinum.

Í samstarvinum um verkætlanina eru Sørvágs- og Vága kommuna, stovnar hjá kommununum báðum og so landsstovnarnir Nám, Sernám, Undirvísingarstýrið, SSP og Gigni.

Hoyr samrøðu við Magnus Tausen her: