Øll skúlabørn í Føroyum fáa høvi at senda jólakort

Allir skúlanæmingar í Føroyum fáa tvey jólakort, brævbjálvar og vegleiðing um at skriva kortini.

Næingarnir fara at brúka fleiri tættir úr undirvísingini so sum at venja hondskrift og at skipa ein tekst.

Tað er somuleiðis ein sannroynd, at tað at skriva og senda brøv er fremmant fyri børn og ung í dag, sigur Jacob Eli S. Olsen, formaður í Føroya Lærafelag.

Vit skriva jólakort er eitt stórt átak og er eitt samstarv millum Posta, Føroyar Lesa, Føroya Lærarafelag og Jóhan Mortensen, ið eigur góða hugskotið.

Jólakortini verða send í brævbjálva og eru dupult. Tað merkir, at tað er nokk av plássi til at skriva eina ordiliga góða jólaheilsan.

Øll børn úr forskúla til 10. flokk, tilsamans 7.500 børn, fáa høvi at skriva tvey jólakort í part at senda sínum kæru.