Hjálptu vilstum føroyingi aftur á rætta kós

Neyðugt var at hjálpa einum føroyingi, sum var vilstur í haganum millum Tjørnuvík og Saksun, aftur á røttu kós í morgun. 

Málið byrjaði við, at fólk á Eiði boðaðu løgregluni frá, at tey sóu ljós í haganum millum Tjørnuvík og Stakkin.

Av tí at tað var sera hált í haganum var ikki hildið vera ráðiligt at senda fólk í hagan.

Politiið bað tí tyrluna fara at leita.

Men áðrenn hon fór á flog, komu boð frá sløkkiliðnum á staðnum, at málið var loyst. 

Við einari sterkari lykt hevði tað eydnast at hjálpt viðkomandi niðan aftur á gøtuna.

Viðkomandi kom aftur í øllum góðum, upplýsir løgreglan.