Minni sild at fáa í ár

Fiskiskapurin hjá uppsjóvarskipunum eftir sild hevur verið ógvuliga misjavnur í heyst, fyri ikki at siga vánaligur.

Sildin stendur djúpt og spjødd, og hon er farin heilt norður móti Jan Mayen, so tað er eisini langt at sigla, sigur Emil Petersen, skipari á Tróndi í Gøtu, sum er á veg til lands við umleið 500 tonsum av sild til matna

Skiparin er ikki heilt nøgdur við, at tað ikki eydnaðist at fáa meira.

Ringa veðrið ávirkar ikki so nógv á leiðini út, men tá skipið skal heimaftur at landa, tá hevur veðrið við sær, at heimferðin verður drúgvari.

Fiskurin skal helst ikki fáa skaða av nógva rullinum.