Føroyar hava formansskapin í samstarvsráðnum

Løgmaður og trý landsstýrisfólk fara á fund í samstarvsráðnum hjá ríkisfelagsskapinum.

Aksel V. Johannesen, løgmaður, fer eisini á ríkisfund.

Fundurin hjá samstarvsráðnum verður eftir ríkisfundin í Keypmannahavn í morgin.

Sirið Stenberg, Høgni Hoydal og Ruth Vang, landsstýrisfólk, fara á fundin hjá samstarvsráðnum.

Har vera eisini landsstýrisformaðurin og trý landsstýrisfólk úr Grønlandi, forsætismálaráðharrin og tríggir danskir ráðharrar.

Hetta er aðru ferð, at skipað verður fyri ávegis ríkisfundi og fundi í samstarvsráðnum í januar.

Fyrstu ferð var í fjør.

Føroyar tóku við formansskapinum í samstarvsráðnum á nýggjárinum.

Vanligi ríkisfundurin og fundurin í samstarvsráðnum vera tí í Føroyum í juni.