- Tíðindi, mentan og ítróttur
USA letur kortini menningarhjálp
USA letur kortini menningarhjálp
Marco Rubio, uttanríkisráðharri, hevur avgjørt at gera undantøk, tá ið talan er um lívbjargandi humanitera hjálp
Marco Rubio er nýggjur amerikanskur uttanríkisráðharri.
Mynd: Reuters/Ritzau Scanpix
29.01.2025 - 09:35
USA fer kortini at lata heilivág, læknahjálp og matvørur sum menningarhjálp.
Amerikanska uttanríkisráðið gavst herfyri við at lata menningarhjálp í 90 dagar, men nú hevur Marco Rubio, uttanríkisráðharri, avgjørt at gera undantøk, tá ið talan er um lívbjargandi humanitera hjálp.
Tað skrivar Reuters.
Neyðhjálp av mati og hernaðarlig fígging til Ísrael og Ukraina var tó ikki avmarkað.
Sambært einum skrivi úr uttanríkisráðnum er talan um heilivág, læknahjálp, matvørur, býli og annað, ið er neyðugt fyr at lata lívbjargandi menningarhjálp.
Er kopiera
Nýggjastu sendingar í ÚV
Nýggjastu sendingar í SV
