- Tíðindi, mentan og ítróttur
Grønlendingar vilja heldur hava Danmark enn USA
Grønlendingar vilja heldur hava Danmark enn USA
85 prosent av teimum spurdu svara, at tey vilja ikki, at Grønland fer úr ríkisfelagsskapinum, og verður partur av USA í staðin
Bara seks prosent halda, at Grønland eigur at verða partur av USA. Níggju prosent siga seg ikki vita.
Mynd: Sermitsiaq
30.01.2025 - 08:44
Grønlendingar vilja heldur hava Danmark enn USA.
Í einari kanning, sum Verian hevur gjørt fyri Berlingske og Sermitsiaq, siga 85 prosent, at tey vilja ikki, at Grønland fer úr ríkisfelagsskapinum, og verður partur av USA í staðin.
Seks prosent halda, at Grønland eigur at verða partur av USA. Níggju prosent siga seg ikki vita.
Kanningin var gjørd frá 22. til 26. januar.
497 fólk svaraðu
497 fólk, sum er 18 ár ella eldri, svaraðu.
Hagfrøðiliga óvissan í kanningini er 3,1 prosentstig, skrivar Berlingske.
Sløk helvtin heldur, at áhugin hjá Donaldi Trump fyri Grønlandi er ein møguleiki hjá Grønlandi. Hin helvtin heldur, at hann er ein hóttan.
Er kopiera
Nýggjastu sendingar í ÚV
Mikudag 17. desember
Kultura - Jólakonsert við Jólaklingur og jólaframsýningin Jól hjá Thomsen
201665
Nýggjastu sendingar í SV
