- Tíðindi, mentan og ítróttur
Hava fingið ein mánað aftrat at skriva álit um Húsalánsgrunnin
Hava fingið ein mánað aftrat at skriva álit um Húsalánsgrunnin
Freistin hjá fíggjarnevndini er longd til 28. februar

Løgtingsgrannskoðararnir vilja millum annað hava at vita, hvørjar ætlanir eru um at dagføra lógina um Húsalánsgrunnin.
Mynd: Bjarni Árting Rubeksen
31.01.2025 - 10:15
Fíggjarnevndin er framvegis ikki farin at viðgera uppskotið hjá løgtingsgrannskoðarunum um Húslánsgrunnin.
Fyrsta viðgerð var í tinginum 6. desember.
Fíggjarnevndin skuldi tí fyri langari tíð síðani havt skrivað álit.
Nevndin bað og fekk fyrst freist til í dag, 31. januar. Men nú hevur hon biðið um og fingið freist til 28. februar.
Nevndin er ikki farin at viðgera málið enn, sigur hon.
Løgtingsgrannskoðararnir vilja hava løgtingið at heita á landsstýrið um at leggja frágreiðing um støðuna í Húsalánsgrunninum fyri løgtingið.
Teir vilja millum annað hava at vita, hvørjar ætlanir eru um at dagføra lógina um Húsalánsgrunnin.
Nýggjastu sendingar í ÚV

Hósdag 27. februar
«Mær kundi gjørst neyðugt at verða doyptur av tær, og so kemur tú til mín!»
188373
Nýggjastu sendingar í SV