Røktarheim í Hoyvík: Næstan 40 milliónir á muni

Næstan 40 milliónir eru á muni millum lægsta og hægsta tilboð upp á byggja røktarheimið í Stórubrekku í Hoyvík.

Fimm tilboð komu.

Articon hevur lægsta tilboðið, 297 milliónir og 421.000 krónur.

J&K Petersen hevur hægsta tilboð, 336 milliónir og 682.000 kr.

Øll tilboðini eru uttan meirvirðisgjald og uttan fyrivarni.

64 búpláss og dagtilboð til 50

Tórshavnar kommuna fer nú at viðgera øll tilboðini

Røktarheimið í Stórubrekku fer at hava 64 búpláss og dagtilboð til 50 eldri, sum búgva heima. 

Harumframt vera 16 røktaríbúðir til einstaklingar og pør, tær fyrstu av sínum slagi í Føroyum.

Røktarheimið verður væntandi liðugt í seinnu helvt í 2027, sigur Tórshavnar kommuna.