Fyrrverandi forseti fingið fótleinkju

Sarkozy fekk elektronisku fótleinkjuna í gjár, sigur ein kelda við AFP-tíðindastovuna.

Hetta er fyrstu ferð, at ein franskur forseti hevur fingið fótleinkju.

Sarkozy er dømdur trý ára fongsul, - tvey ár eru treytað fyri at royna at mutra ein dómara og fyri at hava bjóðað ávirkan í býti við loyniligar upplýsingar um kanningí um fíggjarviðurskifti í valstríðnum hjá Sarkozy í 2007, skrivar AFP.

Sarkozy var forseti árini 2007 til 2012. Hann var m.a. ákærdur fyri at hava tikið ímóti fleiri milliónum evrum frá Muammar Gaddafi, fyrrverandi einaræðisharranum í Libia, í sambandi við valstríðið í 2007, umframt at svika við pengum í samband við valstríðið í 2012, tá hann ikki varð afturvaldur.