Rúna í Örebro: Hetta ávirkar okkum øll

- 4. februar 2025 er brendur inn í svensku søguna sum ein myrkur dagur, segði forsættisráðharrin, tá hann talaði til tjóðina í gjárkvøldið.

Í morgin er júst ein vika síðani hópdrápini í Örebro, har 11 fólk lótu lív.

Ikki langt frá hendingini var Rúna í Baianstovu, sum hevur búð í Örebro í mong ár. Hon arbeiddi heimanífrá hendan dagin og koyrdi tíðindini frá.

- Tankarnir fóru fyrst til Oslo og Utøya, hóast mann ikki beinanvegin visti, hvat gekk fyri seg. Tó var eg ikki stúrin um mína egnu trygd.

Tað sigur Rúna, sum býr tveir kilometrar frá staðnum, har skottilburðurin fór fram.

- Eg vóni, at vit í Svøríki fara at arbeiða fyri at skapa betri líkindi fyri øll menniskjur her - at vit skapa eitt samfelag, har harðskapurin ikki veksur, men minkar.

Hoyr alla samrøðuna, sum Rúna gjørdi við morgunsendingina her: