Bretland fer at senda herdeildir til Ukraina

Í dag fer bretski forsætisráðharrin, Keir Starmer, at kunngera, at hann er til reiðar at senda deildir til Ukraina, skrivar The Telegraph.

Deildirnar skulu tryggja, at ein friðaravtala verður hildin, sigur hann.

- At hjálpa til at veita Ukraina trygd, er eisini at hjálpa til at veita okkara landi og heimsparti trygd, sigur forsætisráðharrin, sum er úr bretska Arbeiðaraflokkinum.

Avgerðin um at senda bretsk herfólk til Ukraina hevur ikki verið einføld, sigur Starmer við blaðið.

Samstundis er hann tilvitaður um, at eingin onnur loysn er fyri tað, sum hann lýsir sum eina risastóra ábyrgd.