Fyrsti landsdysturin við Tjarnir: Møtið í góðari tíð

Í kvøld er fyrsti landsdystur í stórhøllini við Tjarnir, tá Føroyar og Holland spæla EM-undankappingardyst.

Omanfyri 3.000 fólk fara til landsdyst, og tí spøkir sami ferðsluruðuleiki, sum til upplatingarkonsertina við Føroya Symfoniorkestri. 

Í løtuni ber einans til at koyra til stórhøllina umvegis rundkoyringina við Eysturoyartunnilin. 

Bæði stjórin við Tjarnir og Hondbóltssambandið heita tí á fólk um at møta í góðari tíð, og skipað verður eisini fyri, at ókeypis bussar koyra millum stórhøllina og bryggjaríið OY, har upphitingartiltak verður.

Við Tjarnir, stórhøll, høllin við Tjarnir

Mynd: Bárður Lydersen

"Okkurt skuldi gerast til landsdystin, eftir fyrtu konsertina við Føroya Symfoniorkestri 1. mars, tá ferðslurululeiki valdaði," sigur Regin W. Dalsgaard, stjóri við Tjarnir.

Hóast tað eru fleiri enn 600 parkeringspláss uttanfyri stórhøllina, so vilja fyriskipararnir heita á fólk um at koyra saman, tí royndirnar frá undanfarnu tiltøkum í høllini eru, at stórt trýst er á bæði ferðsluni og parkeringsplássunum.

Í Hondbóltssambandinum hava tey lært av steypafinalunum, sum vóru í stórhøllini síðst í februar, sigur Hallur Danielsen.

Við Tjarnir, hondbóltur

Frítekst tagging: 

Við Tjarnir

Hondbóltur

Bjarni Árting Rubeksen

Mynd: Bjarni Árting Rubeksen

Tí koyra millum annað ókeypis bussar frá fjepparatiltakinum í OY niðan til stórhøllina og oman aftur til Havnina aftaná dystin og parkeringsvørar verða settir inn fyri at halda skil á.

Regin Dalsgaard, stjóri við Tjarnir, er heldur ikki stúrin um ferðsluna í kvøld.

Upphitingar tiltakið í OY byrjar klokkan 16:00 til 18:00. Hans Ravnsfjall fer at spæla nøkur løg, og møguleiki verður fyri at koma í rættan hondbóltshýr.

Ókeypis bussar koyra frá OY niðan til Tjarnir kl. 18:00, og oman aftur til Havnina aftaná dystin.