ES-leiðarar vilja varðveita revsitiltøkini móti Russlandi

ES-leiðarar er samdir um, at revsitiltøkini móti Russlandi skulu ikki setast úr gildi.

Á toppfundi í París í dag er semja gjørd um, at revsitiltøkini skulu varðveitast.

Millum annað hava Olaf Scholz úr Týsklandi, Keir Starmer úr Bretlandi og Emmanuel Macron úr Fraklandi gjørt greitt, at revsitiltøkini verða ikki sett úr gildi. 

Mette FRederiksen og Giorgia Meloni

Danski forsætisráðharrin, Mette Frederiksen, og italski forsætisráðharrin, Giorgia Meloni, á ES-toppfundi í París. (Mynd: EPA/Ritzau Scanpix)

Amerikanarar hava tosað um, at evropeisk lond eiga at slaka í revsitiltøkunum, fyri at tryggja eina vápnahvíld - seinast í sambandi við 30 daga vápnahvíldina í Svartahavinum.

Men leiðararnir í ES-londunum taka ikki undir við hesum. Hinvegin hevur heldur verið tosað um at herða revsitiltøkini.

Volodymyr Zelenskyj, forseti í Ukraina, sum eisini er á toppfundinum, sigur, at tað verður ein diplomatisk vanlukka, um tað longu nú verður slakað í revsitiltøkunum móti Russlandi.