Sjókovin fingið 18 mió kr til gransking

Sjókovin og føroyskir samstarvsfelagar hava fingið góðar 18 milliónir krónur til granskingarverkætlanir frá Horizon Europe. Verkætlanin hevur millum annað til endamáls at minka um útlátið í fiskivinnuni og alivinnuni. Unn Laksá, stjóri í Sjókovanum, heldur at verkætlanin hevur stóran týdning, tí hon birtir undir eitt samstarv við fremstu serfrøðingarnar á økinum og tí hon hevur beinleiðis týdning fyri føroysku vinnuna. 

Í 2024 sendi Sjókovin tríggjar umsóknir um omanfyri nevndu verkætlanir til Horizon Europe. Allar fingu tilsøgn um fígging.