Aaja stuðlar stjórnini í øllum

Grønlendski fólkatingslimurin Aaja Chemnitz vil fegin siga, hví hon stuðlar danska veðurlagsmálaráðharranum Lars Aagaard.

Hon sigur við KNR, at flokkur hennara, IA, stuðlar stjórnini.

Og ein stuðulsflokkur er noyddur til at stuðla øllum hjá stjórnini, sigur hon. 
 
Aaja Chemnitz sigur, at við at stuðla stjórnini fær Grønland nógvar sømdir í fólkatinginum, tí IA hevur ávirkan á arbeiðið hjá stjórnini.

Hon vil ikki siga, um stjórnin bað hana og føroyingarnar um at stuðla Lars Aagaard.

Sum skilst hevði misálit á Lars Aagaard verið samtykt í fólkatinginum.

Men tað verður tað ikki, tí føroysku fólkatingslimirnar og annar úr Grønlandi og ein uttanfloksmaður stuðla Lars Aagaard.

Hin grønlendski fólkatingslimurin, Aki-Matilda Høegh-Dam, sigur við DR, at hon einki sigur um hetta málið.

Anna Falkenberg og Sjúrður Skaale vísa til tíðindaskriv hjá teimum trimum fólkatingslimunum.

Har siga tey, at tey hava álit á, at ráðharrin í framtíðini fer at kunna og taka fólkatingið við á nøktandi hátt. Tí stuðla vit ráðharranum og stjórnini sum heild, siga tey.

Lars Aagaard kom í andglettin, tí hann helt aftur upplýsingum, sum fólkatingið átti at fáa.