Handilskríggið millum USA og Kina herðist hvønn dag, sum gongur

Heimsins størstu búskapir, tann kinesiski og amerikanski, eru í kríggið. Hóast londini kappast um at leggja handilsforðingar og toll á hvørt annað, so hevði amerikanski forsetin góð orð at bera kinesiska starvsbróðri sínum. 

Fyrradagin kunngjørdu amerikanarar, at tollurin á kinesiskum vørum í USA nú er 145 prosent.

Og í gjár hækkaði tollurin á amerikonskum vørum í Kina úr 84 prosentum upp í 125 prosent.

Johnny í Grótinum, Búskaparráðið

- Høgu tollmúrarnir gera, at samhandilin millum Kina og USA minkar niður í einki. Og gongdin er skaðilig fyri smáar, opnar búskapir, sum tann føroyska, sigur Johnny í Grótinum

Hoyr samrøðu við Johnny í Grótinum í útvarpstíðindunum

Greinin dagførd klokkan 19.40

Trump tykist at bakka fyri trýstinum

Høgu tollmúrarnir skulu ikki raka snildfonir, telduskermar og aðra teldutøkni.

Tað skrivar amerikanski tollmyndugleikin sambært fleiri miðlum.

Sambært BBC fevna undantøkini eisini um hálvleiðarar, sum verða nýttir í telduflísum.

Undantøkini koma, eftir at Donald Trump setti 145 prosent toll á kinesiskar vørur, sum verða innfluttar til USA.