Tveir játta seg partvís sekar

Tveir játta seg partvís sekar
Tveir av monnunum í stóra rúsevnamálinum, sum hava smuglað 18 kilo av hassji umframt hassjolju til Føroya, hava játtað seg partvíst sekar, meðan fýra siga seg vera ósekar
Seks menn eru ákærdir fyri at hava smuglað 18 kilo av hassji og 800 gramm av hassjolju til Føroya í fjør heyst.
 
22.04.2025 - 15:59

Eitt av stóru rúsevnismálunum er fyri í Føroya rætti hesa vikuna. 

Seks menn, allir danir, eru ákærdir fyri at hava smuglað 18 kilo av hassji og 800 gramm av hassjolju til Føroya í fjør heyst við tí endamáli at selja hassjið í Føroyum.

Hassjolja er nógv sterkari enn onnur evni, sum eru gjørd úr kannabisi.

Í oljuni eru 90 prosent THC. Í øðrum, sum er gjørt úr kannabisi, eru í miðal 12 prosent THC.  

Ein teirra ákærdu kom til Føroya við hassjinum í bátinum Emelie úr Danmark.

Báturin legði at á Sandi.

Tveir aðrir, sum eru ákærdir, gróvu hassjið niður í haganum oman fyri omankoyringina til Kirkjubøar.

Teir vóru tiknir á bóli á staðnum.

 

Royndu at hvítvaska 1,3 milliónir krónur

Menninir eru eisini ákærdir fyri at royna at hvítvaska 1,3 mió. kr.

Tveir teirra vóru tiknir, tá teir koyrdu um borð á Norrønu 17. oktober í fjør.

Tollarar funnu pengarnar, 1,3 mió. kr., í holrúmum í bili teirra.

Teir skuldu til Danmarkar.

Politiið sigur, at pengarnir stava frá ólógligum virksemi. 

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Leygardag 10. mai
Jambalaja - 100525
191703
Leygardag 10. mai
Upp á tá - 090525
191699
Leygardag 10. mai
Vikan 10. mai 2025
191694
Leygardag 10. mai
Morgunlestur leygardagur 10.mai 2025
191025
Nýggjastu sendingar í SV
Leygardag 10. mai
Dagur og vika - teknmálstulkað
191687
Fríggjadag 9. mai
Veðrið
191675
Fríggjadag 9. mai
KAKUMiKS (6:7)
191658
Fríggjadag 9. mai
Dagur og vika - teknmálstulkað
191644
Hósdag 8. mai
Hondbóltur: Kosovo - Føroyar
191625