ES-nevndin fyrireikar nýggj tiltøk móti Russlandi

ES-nevndin fyrireikar nýggj tiltøk móti Russlandi
ES-nevndin fyrireikar við lóg at seta bann fyri, at fyritøkur í Evropa gera nýggjar avtalur við Russland um lívrunnið brennievni
 
23.04.2025 - 10:34

Reuters tíðindastovan endurgevur embætisfólk á hægsta stigi í ES, sum úttalar seg við treytini at vera ónevnt.

Av tí at nøkur limalond hava sagt, at tey taka ikki undir við ES-tiltøkum móti russiskum gassi, umhugsar nevndir aðrar hættir fyri at skunda undir endan á avhengi Evropa av russiskari orku. Sambært Reuters, skulu møguleikarnir fyri at náa hesum lagdir fram 6. mai.

ES-nevndin umhugsar handilstiltøk, eitt nú at banna evropiskum fyritøkum at gera nýggjar sáttmálar um brennievni við russarar. ES-nevndin arbeiðir eisini við løgfrøðiligum møguleikum fyri at heimila ES-fyritøkum at bróta verandi gasssáttmálar við Russland uttan at verða revsað, sigur embætismaðurin. 

Tiltøkini verða ætlað evropiskum fyritøkum, sum keypa flótandi russiskt náttúrugass (LNG). Hóast gassveitingin úr russiskum leiðingum minkaði munandi eftir at Russland lfeyp á Ukraina í februar 2022, so økti ES innflutningin av russiskum LNG í fjør.

Í fjør fekk ES framvegis 19 prosent av sínum gass- og LNG-veitingum frá russarum.

Er kopiera
Nýggjastu sendingar í ÚV
Mánadag 19. mai
"Her er einki annað ljóð."
191893
Mánadag 19. mai
Morgunlestur mánadagur 19.mai 2025
192051
Mánadag 19. mai
Góðan morgun Føroyar
192041
Nýggjastu sendingar í SV
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023
Fríggjadag 16. mai
KAKUMiKS (7:7)
191925