Støre og Stoltenberg á fund í Washington

Við sær hevur hann norska fíggjarmálráðharran Jens Stoltenberg, sum kennir Trump væl frá tíðini sum aðalskrivari í Nato. Stoltenberg skal umframt fundin við Trump, eisini á fund við Altjóða gjaldoyragrunnin IMF og Heimsbankan.

- Eg gleði meg at hitta forsetan aftur, sigur Stoltenberg við journalistar.

Støre og Stoltenberg fáa góð ráð frá serfrøðingi, áðrenn teir fara.

- Teir mugu vera varnir við atfinningum móti Donaldi Trump og politikki hansara. Tað hevði verið lítið skilagott, sigur Torbjørn Knutsen, professari í samfelagsvísindum og amerikanskur serfrøðingur. 

Hann hevur búð í USA í nøkur ár og fylgir væl við amerikonskum politikki. Í dag undirvísir 73 ára gamli maðurin framvegis á lærda háskúlanum NTNU í Trondheimi.