Andrias Olsen nýggjur stjóri í Føroyahúsinum

Føroyahúsið í Keypmannahavn hevur fingið nýggjan stjóra.

Hann eitur Andrias Olsen.

Hann tekur við starvinum 1. juni.

Andrias Olsen er 31 ár og er úr Havn.

Andrias Olsen hevur útbúgving í tónleikavísindum frá lærda háskúlanum í Keypmannahavn.

Eftir lokna útbúgving hevur Andrias arbeitt sum kaféleiðari og tónleikalærari í einum fólkaskúla.

Hann er eisini tónleikari í Keypmannahavn.

Sissal Kampmann hevur verið stjóri í Føroyahúsinum síðani 1. august 2019.