- Tíðindi, mentan og ítróttur
Vilja hava landsstýrið at leggja fram frágreiðing um Húsalánsgrunnin
Vilja hava landsstýrið at leggja fram frágreiðing um Húsalánsgrunnin
Bústaðir hava ognir fyri 1,1 mia. kr. og skylda 450 mió. kr.
Fíggjarnevndin sigur seg hava fingið at vita, at Bústaðir arbeiða við at endurfíggja ein part av lánunum.
Mynd: Bjarni Árting Rubeksen
02.05.2025 - 10:34
Fíggjarnevndin tekur undir við løgtingsgrannskoðarunum, sum vilja hava løgtingið at heita á landsstýrið um at leggja frágreiðing fyri løgtingið um Húsalánsgrunnin, og hvørjar ætlanir eru um hann.
Fíggjarnevndin hevur í hoyringum fingið upplýst, hvør støðan er hjá Bústøðum.
Bústaðir hava ognir fyri 1,1 mia. kr. og skylda 450 mió. kr.
Eginpeningurin er 600 mió. kr. Viðlíkahaldið verður 1,5 mió. kr. um árið næstu tíggju árini.
Bústaðir hava eisini bygt íbúðir við Dalavegin í Havn. (Mynd: Bjarni Árting Rubeksen)
Taka støðu til lógagrundarlagið
Fíggjarnevndin sigur, at greið støða má takast um lógargrundarlagið og um Húsalánsgrunnurin skal vera uttan fyri ella innan fyri fíggjarlógina og landsroknskapin.
Fíggjarnevndin sigur seg eisini hava fingið at vita, at Bústaðir arbeiða við at endurfíggja ein part av lánunum.
Ítøkiliga verður kannað, um skynsamt er at læsa ein part av hesari fígging til eina meira fasta rentu.
Er kopiera
Nýggjastu sendingar í ÚV
