Sormani gevst í HB

Sormani gevst í HB
Høvuðsvenjarin hjá HB, Adolfo Sormani, hevur lagt frá sær. Hjálparvenjararnir eru eisini loystir úr starvi
Aldolfo Sormani er fortíð í HB.
Mynd: Rói Sørensen / HB  
 
04.05.2025 - 15:08

Høvuðsvenjarin hjá besta mansliðnum hjá HB, Adolfo Sormani, hevur lagt frá sær.

Uppsøgnin kemur eftir eyðmýkjandi 7-1 tapið fyri NSÍ í landskappingini í gjár. Toymið hjá Adolfo Sormani, sum telir tríggjar, er eisini loyst úr starvi.

 - Vit takka Dodo, Gianni, Gilberto og Tero fyri samstarvið, og tað orku, sum teir hava lagt í arbeiðið. Ikki minst Løgmanssteypið 2024, skrivar HB á sosialum miðlum. 

HB sigur, at arbeiðið við at finna nýggjan venjara er farið í gongd, og at André Olsen stendur á odda fyri liðnum, til nýggjur venjari er funnin.

Fyri stuttum var íslendski venjarin Arnar Grétarsson settur í samband við høvuðsstaðarfelagið. Tá avsannaði formaðurin, Ransin N. Djurhuus, at venjaraskiftið var á veg.

 

Spælistílurin fyri atfinningum

HB fekk góð úrslit fyrstu umførini í ár, men spælistílurin var kortini fyri atfinningum. Adolfo Sormani skifti 4-3-3 leikskipanina út við 5-3-2, og í HB-skýlinum hómaðist misnøgdin við verjukenda spælið tíðliga.

Keypini hava heldur ikki verið sannførandi. Lettisku spælararnir, miðverjin Klavs Kramens og málverjin Reinis Reinholds, hava báðir mist plássið, meðan norsku áleypararnir, Emil Grønn Pedersen og Jonas Enkerud hava havt trupult við at skjóta mál.

Síðsta vikuskiftið vann HB akkurát á TB við avgerandi máli í yvirtíðini, og í gjár fleyt so yvir, tá NSÍ snøgt sagt hølvaði HB av á Ovara vølli í Gundadali.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435