Russland bannar Amnesty International

Mannarættindafelagsskapurin Amnesty International verður nú bannaður í Russlandi.

Tað sigur russiski høvuðsákærin Igor Krasnov í eini fráboðan sambært Ritzau.

Russland sigur, at høvuðssætið hjá Amnesty International í London er "ein miðdepil fyri fyrireiking av globalum russofobiskum verkætlanum, sum tey samansvornu hjá Kyiv-stýrinum fíggja."

Amnesty International er tí ein óynsktur felagsskapur í Russlandi, verður sagt.

Tað hendir ikki so sjáldan, at felagsskapir verða bólkaðir sum óynsktir í Russlandi. Sambært AP eru 223 felagsskapir í løtuni óynsktir í Russlandi.