Kunngerðir um kommunulæknaskipan komnar

Kunngerðirnar, sum nágreina nýggju kommunulæknalógina, eru lýstar og koma í gildi 1. juni.

Ein er um heilsuøki og heilsumiðstøðir.

Sambært henni vera Føroyar skipaðar í fimm heilsuøki.

Norðoyggjar, Eysturkommuna og Fuglafjarðar kommuna eru í einum heilsuøki.

Runavíkar kommuna, Nes kommuna og Sjóvar kommuna eru saman.

Vágar, Mykines, Vestmanna kommuna, Kvívíkar kommuna, Sunda kommuna, Eiðis kommuna og Kollafjørður, Signabøur og Oyrareingir eru saman.

Tórshavnar kommuna, Sandoyggin og Skúgvoy eru í heilsuøki fýra og Suðuroyggin er í fimta heilsuøkinum.

Útreiðslur

Galdandi avtalur millum kommunur um, hvussu hølisútreiðslur skulu býtast, vera í gildi til nýggjar avtalur koma.

Í hvørjum heilsuøki vera ein ella fleiri heilsumiðstøðir. 

Ein onnur kunngerð er um kommunulæknaval.

Verandi kunngerð er frá 2010.

Hon nevnir læknadømi.

Tann, sum kemur 1. juni, nevnir heilsuøki.