Borg XL-Byg flutt í nýggj høli á Glyvrum

Tað var ein errin og fegin Rodmundur Nielsen, sum í gjár tók ímóti gestum í nýggja høvuðssætinum hjá pf. Borg á Glyvrum.

Í eina tíð hevur verið greitt, at broytingar skuldu gerast í ferðsluviðurskiftunum í Runavík og tað kom at raka Borg, sum tí skuldi hava eitt nýtt høvuðssæti. Men tað var ikki einasta orsøkin, tí fyritøkuni tørvar meira pláss eftir at virksemið er nógv økt hesi 20 árini síðan Rodmundur Nielsen, tá saman við øðrum keypti Højgaards Handilsvirki, sum tað kallaðist tá.

Í gjár var so móttøka í nýggja bygninginum, sum brýtur rættiliga nógv frá, tá hugsað verður um timburhandlar og annað líknandi.

Tað er Ósbjørn Jacobsen, arkitektur, sum hevur teknað nýggja bygningin, sum er meira enn tvífalt so stórur, sum gamli bygningurin. Nýggi bygningurin er 9.000 fermetrar, tann gamli var 4.000 fermetrar. Og so hevur nýggi bygningurin aðrar 9.000 fermetrar rundan um, so tað er rúmsátt við nýggja høvuðssæti.

Vit fingu eitt prát við Rodmund Nielsen, stjóra og eigara av pf. Borg fyrr í dag.

Trýst á leinki og hoyr alt innslagið, sum var í tíðindunum klokkan 14.00: