Jóhan aftur til danskan hondbólt

Jóhan aftur til danskan hondbólt
Jóhan á Plógv Hansen fer úr Týsklandi og aftur til danskan hondbólt, tá hetta kappingarárið er av. Vongurin skal aftur til Skanderborg AGF, sum var hansara fyrsta danska felag
 
02.06.2025 - 17:31

Jóhan á Plógv Hansen fer aftur til Skanderborg AGF, tá hetta kappingarárið er av.

Vongurin, sum síðstu fimm árini hevur spælt við Hannover-Burgdorf og Flensburg-Handewitt í týsku Bundesliguni, hevur skrivað undir trý ára sáttmála við danska felagið.

Tá 31 ára gamli havnarmaðurin fór úr Føroyum fyri 15 árum síðan, fór hann á akedemiið hjá felagnum, SHEA. Síðan hevur hann spælt 106 landsdystir fyri Danmark og hevur millum annað vunnið fýra heimsmeistaraheiti.

 - Felagið er í eini spennandi ítróttaligari menning, og eg gleði meg til at blíva partur av henni, sigur Jóhan á Plógv Hansen við heimasíðuna hjá felagnum.

 - Jóhan kemur við eksplosiviteti og vinnaramentan. Hansara royndir verða avgerandi á einum ungum liði. At fáa ein spælara, sum hevur vunnið mestsum alt, styrkir ta mentanina, sum vit vilja hava í felagnum, sigur venjarin Nick Rasmussen.

 


Jóhan á Plógv Hansen hevur vunnið fýra heimsmeistaraheiti á danska landsliðnum. Í Flensburg hevur hann vunnið European League tvey ár á rað. (Mynd: Ritzau/Scanpix)

 

Er kopiera
Nýggjastu sendingar í ÚV
Týsdag 15. juli
Morgunlestur týsdagur 15.juli 2025
194086
Mánadag 14. juli
Poppverturin
194204
Mánadag 14. juli
RagnarRokk: Jean-Ken Johnny um X.V. e.p.
194122
Nýggjastu sendingar í SV