Krevur góðar stórthundrað milliónir frá landskassanum

Kravið hjá reiðarínum Northwest Pelagic móti landskassanum er komið upp í góðar 126 mió. kr.

Tað er sakarkravið, nú málið er farið í rættin.

Har verður tað ikki viðgjørt fyrr enn seint í ár, stendur í landsroknskapinum fyri 2024, sum kom fríggjadagin.

Landsstýrið hevur goldið 23,8 milliónir, sum tað væntar at vera dømt at gjalda.

Tað var goldið í desember í fjør.

NorthWest Pelagic stevndi Fiskimálaráðnum í oktober í 2017 eftir at Atlantsfarið ikki fekk fiski- og veiðiloyvið aftur, tá skipið skifti eigara í januar í 2016.

Føroya rættur gav NorthWest Pelagic viðhald.

Felagið fekk veiðiloyvið aftur í mars í 2020.

Men felagið krevur endurgjald fyri mistan fiskiskap ta tíðina, felagið ikki hevði veiðiloyvi.