Nú skal loysn finnast fyri grótgoymsluna oman fyri Velbastað

Tórshavnar kommuna skal í seinasta lagi nýggjársaftan í ár hava funnið eina loysn fyri grótgoymsluna oman fyri Velbastað. 

Búnaðarstovan heldur tað vera skilagott at nýta grótið til bygging og annað.

- Málið skal loysast, sigur Tróndur G. Leivsson, stjóri á Búnaðarstovuni.

Upprunaliga var evstamark at finna eina loysn á grótrúgvuni sett til 31. desember í fjør, men avtalan er longd eitt ár.

Tróndur G. Leivsson, Tróndur Leivsson

Tróndur G. Leivsson. 

Kommunan keypt grótið

Avtalan var upprunaliga við Eystur- og Sandoyartunlar, men síðani hevur Tórshavnar kommuna keypt grótið fyri 11,4 mió krónur, og hevur tikið við avtaluni.

Tórshavnar kommuna rindar bóndanum á Velbastað 187.200 krónur um árið í leigu fyri mista grasið.  

Hoyr innslag í útvarpstíðindunum: 

Elsa Berg

Elsa Berg. 

Elsa Berg, borgarstjóri í Tórshavnar kommunu, veit ikki enn, um kommunan fer at brúka alt grótið, ella ein partur skal tyrvast.

Borgarstjórin var gestur í útvarpsstovuni: