Fólkatalið í Danmark farið upp um seks milliónir

Fólkatalið í Danmark er nú farið upp um seks milliónir, skrivar danska hagstovan.

Nú búgva 6.001.008 fólk í Danmark.

Fólkatalið fór upp um fimm mió. í 1973, sambært Jonas Schytz Juul, stjóra fyri fólkateljing á donsku hagstovuni.

Orsøkin til vøksturin er m.a. tilflyting.

- Føðitalið í Danmark er minkað støðugt í eitt tíðarskeið, meðan tilflytingin er vaksin. Tað merkir, at tilflyting hevur havt størri ávirkan á fólkavøksturin, sigur hann.